OPORRAK

Irailatik aurrera hemen jarraituko dugu.

UDARAKO BESTE IRAKUR PROPOSAMENA

Udako oporrak  ate joka ditugu eta ekintza askoren artean, irakurtzeko tartetxo bat ere izango dugu noski.
Aurrekoan GIPUZKOAKO ESKOLA-LIBURUTEGIEN gida ekarri genuen  eta oraingoan gure laguntzaile finak diren DONOSTIAKO UDAL LIBURUTEGIEN SAREAk proposatzen diguna dakarkizuegu adin eta hizkuntza desberdinetako liburu ugariekin. Aurrera! 
Disfruta ezazue irakurraldia!

GURE IRRATIKO EUSKAL KANTA BERRIEN wix-a

Aurtengo Euskal Kanta Berrien wix gunea  ekarri dugu berriz ere hona,  kantekin goza ahal izateko.
Sakatu 2015ean (edota 2014ean iazkoak gogoratu nahi badituzu) eta SARTU! 

LEHIAKETAREN EMAITZAK

Hauxe gertatu da kanta irabazlea gure lehiaketan:

"Lemak, aingurak" - BERRI TXARRAK taldearena, 6 C gelak proposatutakoa.

Eskerrik asko parte hartzeagatik eta zuen botoa emateagatik.
Gure abestiak ezagutzea genuen helburu eta bete dela esan dezakegu.
Denok entzun, bideoklipak ikusi eta dantzan ere egin dugu 16 kanta hauekin. 

Aurten bigarren urtea da lehiaketa egiten duguna eta partaidetza asko handitu da iaztik konparatuz.
 
Uda dator eta gozatu eta dantzatu gure musikarekin ere!

TOM TXIKI eta ispilu magikoa

Atera Films zinema banatzailetik "Tom txiki eta ispilu magikoa" filma aurkezten dizuegu, Ernesto Padronek zuzendua.

Malagako Zinemaldian eta Sevillako Europear Zinema Festibalean arrakasta handia izan duen animazio-luzemetrai honek hainbat sari irabazi ditu; Koral saria animaziozko film luzeen sailean Latinoamerikako Zinemagintza Berriaren Nazioarteko Jaialdian, besteen artean.

Filma maiatzaren 8an estreinatu zen euskaraz,
 Maiatzaren 9tik aurrera, beste hainbat aretotan proiektatuko da. Informazio gehiago jasotzeko egin klik hemen.Zarautza etortzen denbora gehiago beharko du, ekainean ere ez da pelikularik projektatuko eta.

TOM TXIKI
"Jakintza indarra baino ahaltsuagoa da"
Zuzendaria: Ernesto Padrón (Kuba/Espainia, 2014)
Iraupena: 73 min              
Sinopsia:
Tom Txiki bere familia txirotasunetik atera nahi duen nekazari txiki bat da. Uztak hondatzen dizkion intsektu izurri batek eta laranja itxurako ispilu magikoak abentura bidean jarriko dute. Ispiluak bere ametsetako emakumea erakutsi eta Pedro eta Pablo anaiekin hirira joateko aginduko dio. Hirira bidean Tom Txikik jakingo du erregeren jauregia ilunpean eta urik gabe dagoela, zuhaitz sorgindu handi baten erruz.
Gure heroi txikiak erakutsiko digu "jakintza indarra baino ahaltsuagoa dela".
Trailerra ikusteko sakatu hemen

AHATETXO ITSUSIA

AHATETXO ITSUSIA.
Glu-Glu  antzez taldea.
(3-9 urteko haurrei zuzendua)
Ekainak 7, igandea, 17:00 Modelo Aretoan
Sarrera: 4€ (salgai Sanz Enea kultur etxean) 

Ahate ama baten kumeak jaiotzen direnean jaio berrietako bat besteengandik zeharo ezberdina aterako da. Orduan, neba-arreba txikiek ahate anaia baztertuko dute eta itsusi esango diote. Ahatetxo itsusia, besteak ez bezala delako, munduan zehar abiatuko da maite duen norbaiten bila. Hainbat pertsonaia ezberdin ezagutuko ditu horrela. Aniztasunerako bidean lagunduko dion zerbait aurkituko du haietako bakoitzarengandik.

Hans Christian Andersenen ipuinean oinarrituta dago antzezlanaren hari nagusia, baina gaur eguneratutako irudi zein edukiekin. Gainera, jolasak dantzak eta abestiek ahatetxo itsusia lagunduko dute bere barreneko edertasunaren bilaketarako bidaia ahaztezin eta dibertigarri honetan. Izan ere, ezberdin izatea, ederra izatea da!

Urte hasieratik haurrentzako bost emanaldi eskaini dira: “Hiru txerritxoak”, “Aladin”, “Opera abeslaria”, “Barbantxo” eta “Txan fantasma”.  “AHATETXO ITSUSIA” lanarekin amaiera emango diogu haurrentzako antzerki egitaraua udazkena arte. Urrian bueltatuko da egitaraua Vaiven Teatroren “New Orleansgo Cyrano” obrarekin.

LIBURUTEGIKO KATALOGOA ESKURAGAI

Hezkuntza Sailak web berri bat prestatu du fondoak kudeatzeko Abies 2 programa erabiltzen duten  eskola liburutegietarako.
Honi esker eta lankide batzuen lanari esker, gaurtik aurrera Liburutegiko  katalogoa  gure blog honetan kontsulta dezakezue eskubiko zutabean edo hemen.

2015eko udako gida

Urtero ohi den bezala hemen dakarkizuegu udarako BEGEL, Gipuzkoako Eskola Liburutegiko blogak proposatzen digun gida: