Bost sagu bihurri musika jotzen

Lehen ziklokoentzako 3. jardunaldia, IPUIN erabat desberdinarekin dator:
Bost sagu bihurri musika jotzen , Chisato Tashiro. 

-Musika eta parranda txikienentzat-

"Ipuintxo honek duen grazia zapuztu liteke haurrarengana halako asmo hezitzaile batekin joaten bagara. Onena, nire iritziz, besterik gabe ipuintxoak proposatzen duen abenturatxoan murgiltzea da, pertsonaiekin batera bizitzea gertaera xume, dibertigarri eta atsegin hau, ikusiz nola gozatzen duten musikarekin sagu bihurri hauek eta nola egiten duten parranda atsegin bat haren bidez. Izan ere, abentura xume honetako protagonistek musika talde bat osatzea erabakitzen dute, igel batzuen saio sekretua (eta saguentzako debekatua) ikusi ondoren. Hala bada, inguruan dituzten trasteak musika tresna bihurtzen dituzte, ondoren hainbat kanta sortzen, eta, azkenik, zuzeneko emanaldia dator, gaupasa eta guzti." IMANOL MERCERO.

https://www.berria.eus/paperekoa/1648/036/005/2012-05-06/musika_eta_parranda_txikienentzat.htm

Ilargi beteko gau batez, bost sagutxo igelen kontzertu batean sartu dira isil-gordeka, baina igelek harrapatu egin dituzte. Hala ere, ondo entzun ahal izan dute igelek ilargiari eskaini dioten kanta, eta musika hori jotzeko asmoz, beren musika-taldea sortuko dute: BOST SAGU BIHURRI.
Beren kontzertuari esker, gauza garrantzitsu bat ulertaraziko diete igelei: musika elkarrekin egitea adiskidetasun zoragarri baten hasiera izan daitekeela.
Ipuinak DVD eder bat du alboan , Iñaki Beraetxe eta Karolina Sainz de Bikuñaren ahotsez.
Hemen Amezketako Zumadi Herri Eskolakoek egindako bideo bat txertatu dugu.

Eta Ingelesezko bertsioaren zati bat. Merezi du entzuteak!

"Over The Moon" From "Five Nice Mice"