ETWINNING PROIEKTUA - Harremanak zabaltzen

MAIATZAREN 30EAN ZARAUTZEN EMAN ZAIO BUKAERA EUSKARAZ BURUTUTAKO LEHENENGO ETWINNING PROIEKTUARI

Europar Batasunak estatu ezberdinetako ikasle eta irakasleen arteko elkarlana bultzatzeko plataforma digital seguru bat jarri zuen martxan duela urte batzuk, eta 2013-2014 ikasturtean Hego eta Ipar Euskal Herriko 5 eskola publiko izan dira lehenengo aldiz plataforma honen bitartez euskara hutsean burutu den lehenengo proiektuaren bultzatzaile.

Hegoaldeko Orokieta (Zarautz), Aiete (Donostia) eta Zaldupe (Ondarru) eta Iparraldeko Uhanderea (Getaria) eta Jean Verdun (Hazparne) Herri Eskoletako ikasle eta irakasleak elkarlanean aritu dira 5 hilabetez teknologia berriek ematen duten aukera erabiliz eta “Gure Herria Ezagutzen” izenburuko proiektuan.

Proiektu honen helburuak norberaren herria eta kultura ondarea ezagutu eta balioesteaz gain, Euskal Herriko herrialde ezberdinetako umeen arteko harremanak sustatzea eta teknologia berrien bitarteko komunikazio ekintzetan euskara erabiltzeari bidea irekitzea izan dira.

Denen artean sortutako Done Jakue Bideak Euskal Herrian mapa digitala publikatzeko eta ikaskide digital izan direnak aurrez aurre ezagutzeko, 200 bat ikasle elkartu dira Zarautzen maiatzaren 30ean.

Eguraldiak ez zien gehiegi lagundu, euri pixka bat tarteko. Ginkana batez herriko txokoak eta gure biztanle ospetsuak ezagutuz, froga batzuk gainditu behar izan zituzten. Kanpotarrei harrera egin eta gero, Zelai Ondotik hasi tokan abilezia frogatuz, eta Argiñano aurreko kirolgunerainoko egin zuten ibilaldia .
Akrobazia batzuk egiten erakutsi omen zien gureei Iparraldekoek, Ondarruko hizkera gatxagoa eta Lapurdi aldekoa xamurragoa egin omen zitzaien... Gerora bazen kontua eta kantua!

Egindako lana ikusteko egin klik hemen