BEGEL

2018/12/11

Gazteentzako irakurketa kluba

  • Irakurketa klub honetan Ikastetxe ezberdinetako jendea elkartzea da helburua, literaturaren harian, neska-mutilen artean irakurzaletasuna sustatzeko.
    Gaur, abenduak 11, asteartea, 17:30etan,beste saioi bat:

  • Anne Franken egunkaria" - Anne Frank.
    Ibai Ferreraren gidaritzapean.


Lekua: Sanz Enea kultur etxea

2018/12/10

GRUFALOA


Lehen ziklokoentzako beste jardunaldia: 
Oraingoan, Grufalorekin gatoz. Ezagutzen duzue animalia hau? Ez beldurtu, gure inguruko basoetan ez dugu aurkituko eta. Grufalo du izena eta gure ipuineko animalia berezia, besterik ez da.


Ai ene! Hau larria!
                                 Hemen da GRUFALO ikaragarria!



Haur literaturan ipuin klasikoa dugu honako hau: Julia Donaldson-ek idatzia eta marrazkiak Axel Scheffer-enak dira. Eta bertan sagu maltzur argi batek basoko arriskuen aurrean adimena nola erabiltzen duen erakusten digu. Ikasiko ote dugu guk ere adimena erabiltzen zailtasunen aurrean?
Liburu formato honek ez dakar ipuin osoa, Grufaloa txotxongilo-panpin bat besterik ez baita. Baina hemen behean kontatzeko modu aproposa hiru hizkuntzetan. Hiruretan hizkuntzaren trataera oso egoki darabil, errima eta errepikapen politekin. EuskarazEgoitz Lasa aktore zarauztarra bikaina ipuina kontatzen

Saia gaitezen goiko urdinezko hitzak geure umeekin errepikatzen:



Gaztelaniaz ere oso ondo errimatuta eta kontatua:



Ingelesez ere, animatuz gero: 

2018/12/06

Poesia zer da?


Idoia Torregarai


Usurbilgo umoregilea dakargu blogera:


Etxeko txikiei poesia zer den galdetu diet, eta hauxe erabaki dute: "puskatutako ipuin bat da".
Eta poesia egin dutela iruditu zait.


Eskertzekoa da, gutxitan egiten baitugu topo emakume umoregile euskaldun batekin.
Barretartia blogarekin hasi zen, 2012an, ikastaro batzuk ematen ditu, eta badira urte batzuk plazaz plaza dabilena.  Umoreak ahalduntzeko balio izan diola aitortu du, bizitza ikusteko beste modu bat dela.   

Aktoreak egon dira, Kontxu Odriozolatik hasita, edo Bi eta bat-ekoak... Badago tradizio bat antzerkian. Hor daude, baita ere, Aitziber Garmendia, edo Onintza Enbeita, baina gutxi dira oraindik, eta, umoregile etiketarekin, gutxiago.
              
'Bakean dagoena bakean utzi' bakarrizketa bi ahotsetara sortu dute Mirari Martiarena Iraolak (Oiartzun, Gipuzkoa, 1986) eta Idoia Torregarai Martijak (Usurbil, Gipuzkoa, 1974) . Euskara, umorea eta generoa dira saioaren ardatzak, euren egunerokoan ere ardatz dituztelako.
Ahoan bilorik gabe, eta, batez ere, gelditu gabe hitz egiten dute. Biak baserrikoak, kazetaritza ikasitakoak, umorezaleak eta umorea lantzen dutenak... euskalkiak, amatasuna, onomatopeiak, gorpuzkerak, euskarakadak...
Plazer bat !
Bakean dagoenari bakean utzi: itxura guztien arabera, ez dute inortxo ere bakean utziko.

2018/12/04

53. DURANGOKO AZOKA. DA!

Abenduko lehen egunetan, aurten 5etik 9ra arte, euskaldunen eta kulturzaleen topaleku izaten da Durango, eta era guztietako publikoarentzat kultur eskaintza zabala egoten da.
53. edizio honetan, 158 argitaletxe, diskoetxe, kultur elkarte, erakunde eta banatzailek parte hartuko duten gunean, 247 stand egongo dira eta horietan 439 nobedade aurkitu ahal izango ditugu: 304 liburu, 93 disko, 18 aldizkari, argitalpen elektroniko 1 eta 23 bestelakoak. Autoekoizleen plaza ere izango dugu bosgarren urtez, eta 17 autoekoizle egongo dira bertan".
Aniztasuna izango da, hain zuzen ere, aurtengo edizioko egitarauaren ezaugarri nagusietako bat. Bertan aurkitu, ikusi, entzun, ikutu eta sentituko ditugu azken asteetan aurkeztutako diskoak, liburuak, ikus-entzunezkoak, kontzertuak eta emanaldiak.
Sortzaile berriei begira, Azokak ildo berria abiatu du aurten: Durangoko Azokako Sormen Beka. 








2018/12/03

Euskararen egunarekin amaitu da Euskaraldia

Euskaraldiaren amaierak bat egin du Euskararen Egunarekin
Gure hizkuntza ospatzeko ekitaldi ugari egon dira Euskal Herri osoan. 
Euskal Herrian ez ezik, munduko beste hainbat txokotan ere ospatu da: Mexikon, Bartzelonan, Washingtonen, Buenos Airesen eta Parisen ere euskara goraipatzen baita abenduaren 3an.
Guk ere eskolan ospatu dugu alai giroan: kantuan, dantzan, herri kiroletan eta pelikula politekin gozatuz.




  


2018/12/02

ASPERGER sindromeari buruzko film laburra

El Síndrome de Asperger (informazioa sakatuta) es un trastorno catalogado por muchos de los que lo sufren como una simple forma de ser de la que aún queda mucho por conocer. Sin embargo, en la actualidad se ha propuesto incluirla dentro del trastorno autista en la nueva versión del Manual Diagnóstico de Trastronos Mentales (DSM-V)(ikus sakatuta).

Entre las desventajas principales de este trastorno de conducta se encuentran las dificultades en la interacción social, la comunicación y la expresión de sentimientos y la escasa empatía que los afectados sufren y como consecuencia de ello, se sienten rechazados, incomprendidos por la sociedad e, incluso, solos. 


  • Mary and Max film australiarra, oskar batekin saritutakoa, arrakasta haundikoa
  • izan zen publiko eta kritika espezializatu aldetik ere. 
  •   Iturria:  https://lecturadialogica.blogspot.com/search?q=+Mary+and+Max

2018/11/30

EUSKARAREN EGUNA

Euskararen eguna datorrela eta, egitarau zabala antolatu da herrian zein ikastetxeetan:
Euskaraldia Zarautz erabiltzailearen argazkia.-Apaxi ipuin kontalaria, DBHko ikasleekin.
-Peru eta otsoa antzerkia, HH eta LHko ikasleekin.
-Mikel Markez eta Eñaut Elorrietaren eskutik, Baga Biga Higa emanaldia, batxilergoko eta goi mailako ikasleekin 
-Abenduaren 1ean, larunbatean, Kantu jira Benta Zaharreko Mutiko Alaien eskutik, 19:00etan Musika Plazatik hasita.
-Abenduaren 3an, astelehenean, ez da kanta eta dantza faltako eskolako patioan errekreo aurretik hasita. Arratsaldean berriz, ziklo batzuk pelikula proiekzioak  izango dituzte eta Herri kirolak frontoian beste batzuk. 

2018/11/29

PALINDROMOAK / PALÍNDROMOS

HITZEKIN JOLASTEA ATSEGIN DUGULAKO, HONA HEMEN BITXIKERIA BATZUK!
GOAZEN TREBATZERA!

PALINDROMOA: EzKerretik eskuinera, nahiz eskuinetik ezkerrera irakurrita, berdina jartzen duenean.
Hizkuntza bakoitzak ditu bere palindromoak:

PALÍNDROMO: Palabra o frase que se lee igual de izquierda a derecha, que de derecha a izquierda.
Saia zaitez eskuinetik ezkerrera irakurtzen

EUSKARAZ:
- AMAMA.
- OSO.
- NON.
- AUTORE EROTUA.
- ARAZO ZARA.
- UTZI, PASA, PIZTU.
- NOIZ ERRE ZION?
- ARI DIRA.
- IRINA NIRI.
- INOZO NI.
- ERREKAK ERRE
- IA BI IBAI.
- IKER, IREKI!
- ZEIN? NI EZ.
- ZUTIK IKUTUZ.
- UTZI PENAK ANE, PIZTU.
- ANIMATUTA BAZEN, EZABATUTA MINA.
- NIK ENARA NERAMAN AMAREN ARANEKIN.


GAZTELANIAZ:
- SUGUS.
- SACAS.
- SOMOS O NO SOMOS.
- ADÁN NO CEDE CON NADA.
- ANULA LA LUZ AZUL A LA LUNA.
- ANA LLEVA AL OSO LA AVELLANA.
- DÁBALE ARROZ A LA ZORRA EL ABAD.
- LA RUTA NOS APORTÓ OTRO PASO NATURAL.
- LE AVISARÁ SARA SI VA ÉL.
- YO DONO ROSAS. ORO NO DOY.
- NO DESEO YO ESE DON.

FRANTSESEZ:
- ESOPE RESTE ICI ET SE REPOSE.
(Esopo hemen gelditzen da eta atseden hartzen du).

INGELESEZ:
- A MAN, A PLAN, A CANAL: PANAMA!
 (Gizon bat, plan bat, kanal bat: Panama!).

LATINEZ:
- IN GIRUM IMUS NOCTE ET CONSUMIMUR IGNI.
(Gauez bueltak ematen ditugu eta suak konsumitzen gaitu).


2018/11/28

Haurren jostailuak aukeratzeko gida

Urtero bezala, Balurdin Orokieta Herri Eskolako gurasoen elkarteak bigarren eskuko jostailuen azoka antolatu du astebururako, Orokietako gimnasioan.

Azaroaren 30ean, ostirala, eta abenduaren 1ean, larunbata, izango da; ostiralean 15:30etik 18:00etara jarriko dute azoka, eta larunbatean, 09:30etik 13:30era. Jasotako dirua Zarauzko Bihotzez elkartearentzat izango da, kardiopatia duten haurren familiak laguntzeko.
Bestetik, Gabonak heltzear direla eta, udalak jolas eta jostailuak aukeratzeko gida atera
dute, gurasoek izan ditzaketen zalantzekin laguntzeko.
Gomendatuenak dira talde lana bultzatzen dutenak, denbora luzez interesgarri izango direnak, genero banaketarik egiten ez dutenak, irudimena bultzatzen dutenak...
Gida Zarauzko ikastetxeetan banatu dugu,  haur hezkuntzan eta lehen hezkuntzako lehenengo hiru mailetan.
https://berdintasunazarautz.wordpress.com/2018/11/19/jolas-eta-jostailuak-aukeratzeko-irizpideak/

2018/11/27

Maixu-maistren eguna

Azaroaren 27an, Irakasleon eguna ospatzen da. 
José de Calasanz, apaiza, pedagogo eta santua. Eskolapio ordenaren sortzailea.

Bere jaioterria Peralta de la Sal (Huesca), gatzaga eta ardoengatik ezaguna. Barbastrotik gertu, olibondo eta almendrondo artean BTT eta oinezko ibilaldiak egiteko leku lasaia. Jaiotetxearen ondoan aterpetxea dago eta Alquézar eta Roda de Isábenara bixitaldiak egitea merezi du.
Maixu-maistren eguna bilaketarekin bat datozen irudiak
Maixu-maistra guztioi ZORIONAK eta aurrera!
Gure lanaren aitormen moduan, hona pelikula batzuk:

El club de los poetas muertos-etik hasi(1989), Los Chicos del Coro (2004),  Mentes Peligrosas (1995) ...berriena den  La profesora de historia arte.(2014)


2018/11/26

Neu naiz indartsuena-Neu naiz ederrena!


 
Harroa  otxan bihurtuta

 Lehen ziklokoentzako beste jardunaldia, BI IPUINekin, alegia moduan kontatuta dator:

Neu naiz indartsuena!

neu naiz ederrena bilaketarekin bat datozen irudiakMario Ramos idatzi eta maisuki ilustratutako album honek alegia bat eskaintzen du. Otsoak modu erritmiko batean galdetzen dio bati eta besteari zein den indartsuena. Harro eta handi ikusten du bere burua, bera baino handiago bat aurkitu arte. Duen erritmoak, bai esanahian eta baita marrazkietan ere, oso aproposa bilakatzen du behin eta berriz ikusi, kontatu eta irakurtzeko. (Ikus otsoaren neurriak)

Neu naiz ederrena! 

Dagoeneko ezaguna dugun otso sinpatikoaren beste xelebrekeria bat kontatuz. Oraingo honetan, ederrena dela uste du eta basoan barrena dabil bere edertasuna aldarrikatzen harro-harro. Bere ibilaldian ipuinetako hainbat pertsonaiekin egingo du topo eta haiek makurtu egingo dira, beldurrez, otsoaren ustezko edertasunaren aurrean. Azkenean, otsoak ezuste handi bat hartuko du herensuge txikiaren ahotik... Ilustrazioei dagokienez, basoaren nahiz otsoaren planoak leku eta ikuspuntu desberdinetatik agertuko zaizkigu: istorioarekin batera, gertutasun edota urruntasuna azpimarratuz. Irudietan testuan agertzen ez diren keinuak eta mugimenduak islatzen dira, istorioaren gaineko komentario zorrotzak erantsiz eta, nola ez, irakurlearengan irribarrea sortuz.

Neu naiz azkarrena da 3.a! 
Txanogorritxo-ren ipuina abiapuntutzat hartuta, ibilbide dibertigarria egiten Ramosek hainbat ipuinen inguruan, hala nola, Hiru hartza, Hiru txerrikume, Edurne Txuri edota Loti Ederra.
Irudiek primeran agertzen dute otso gizajo honen egoera, tonu dibertigarria du eta haurrak ondo pasa dezakete otsoa desmitifikaten.


 Gasteizko Odón de Apraiz ikastolak eta ume gorrentzako arreta taldeak eginiko bideoa da hau.

2018/11/24

TRATU ONEKIN DANTZAN


ONDO SENTITZEN GARA ONDO TRATATZEN GAITUZTENEAN ETA ONDO TRATATUAK GARENEAN ESKER ONEKOAK GARA.

Emakumeenganako indarkeriaren aurkako eguna igandez egokitu da aurten, eta herriko ikastetxeetan ostiral arratsaldez ospatu genuen Tratu ona guztiona lelopean.

  • Tratu txarrak baztertzeko, tratu onak (bizikidetza, elkarlana, lankidetza...) garatzea da gakoa. Eta aurreko urtetako legez tratu onarekiko konpromisoa zinta dantzan islatu zen
  • Arratsaldean egin genituen bi zinta dantza: bat ikasleekin eta bestea ikasle, guraso, begirale eta irakasleekin HHko patioan.
  • Aurretik irakasle batek aurkeztu zuen ekitaldia eta zenbait ikaslek asmatutako leloak irakurri zituzten. 
Musika eta dantza alaiez bukatu genuen festa.





       

2018/11/22

BADAGO ZER EGINA, ZER OSPATUA!

        A zer aste bukaera datorkigun gaurdanik hasita! Denak batera elkartu ditugu, ez dago aspertzeko betarik!              

                             BIZITZA KANTU BAT DA
Aste bukaeratik hasita daude kontzertuak Santa Zezilia eguna ospatzeko,baina gaur izanik eguna propioMusika eskolatik Musika Plazara kalejira alaiean joango dira herriko umeak eta bertan,  abestu eta txokolatada izango da guztiontzat!  19:30etatik aurrera, herrian zehar nabarituko dugu, herriko txistulari eta abesbatzak ibiliko baitira kalez kale kantuan. Kantuan aritzea gustuko dugun guztiok eskuorriak izango ditugu letra guztiekin.
KANTATZEN EZ DUENAK ZORIONIK EZ DU!



Zarautzen ere 11 egun euskaraz.

Azaroak 23, 19:00-21:00 hasiera festa: trikitilariak, txistulariak, dantzak, euskal kantak... herriko taldeen eskutik. Lege Zaharren enparantza - Barren Plaza - Musika Plaza - Kale Nagusia



















Haurren Eskubideen Nazioarteko EgunaAzaroaren 23an, ostirala, 6:45 ean.
Haurren Eskubideen Nazioarteko Eguna 2018
4-11 urte bitarteko haurrentzat Ongietorri festa "Ludotxo" udal Ludotekaren irekiera ospatzeko.






IPUIN MUSIKATUAAzaroak 25, Igandea11:30 etan. 


"Dama xuria" (4 - 8 urte).



Kontalaria: Amaia Puin.
Biolina: Elena Setien.
Edukiera mugatua. Sarrerak haur liburutegian.

Kale antzerkia-Azaroak 25, Igandea 13:30
 Hondartzan (Bañeru kalea parean)


Emakumeenganako indarkeriaren aurkako egunaren harira.
Esku ahurretik edan zuten kale antzerkia eskainiko du Ainhoa Alberdik, igandean bertan, Eguraldi txarra eginez gero, Parrokiako zimintarioan izango da.
ESKU AHURRETIK EDAN ZUTEN
«…gu sortu ginen enbor beretik
sortu ziren besteak…
eta esku ahurretik edan zuten…

sustrai korapillatsuetan ito ziren,ito zituzten…

gu sortu ginen enbor beretik…»