Haurren jostailuak aukeratzeko gida

Urtero bezala, Balurdin Orokieta Herri Eskolako gurasoen elkarteak bigarren eskuko jostailuen azoka antolatu du astebururako, Orokietako gimnasioan.

Azaroaren 30ean, ostirala, eta abenduaren 1ean, larunbata, izango da; ostiralean 15:30etik 18:00etara jarriko dute azoka, eta larunbatean, 09:30etik 13:30era. Jasotako dirua Zarauzko Bihotzez elkartearentzat izango da, kardiopatia duten haurren familiak laguntzeko.
Bestetik, Gabonak heltzear direla eta, udalak jolas eta jostailuak aukeratzeko gida atera
dute, gurasoek izan ditzaketen zalantzekin laguntzeko.
Gomendatuenak dira talde lana bultzatzen dutenak, denbora luzez interesgarri izango direnak, genero banaketarik egiten ez dutenak, irudimena bultzatzen dutenak...
Gida Zarauzko ikastetxeetan banatu dugu,  haur hezkuntzan eta lehen hezkuntzako lehenengo hiru mailetan.
https://berdintasunazarautz.wordpress.com/2018/11/19/jolas-eta-jostailuak-aukeratzeko-irizpideak/