BEGEL

2018/11/02

Fantasiazko eta Beldurrezko Zineman FRANKENSTEIN

"Frankenstein" klasikoa argitaratu zela bigarren mendeurrena ospatzen da.

Udazkenero Antzoki Zaharra eta bere inguruak festa bilakatzen dira fantasiazko eta beldurrezko zinemazaleentzat. Egun batzuetan zehar, urteko genero-film onenak, erakusketak eta bestelako jarduerak elkartzen dira Donostian, eta kaleak kolorez, dibertsioz eta fantasiaz betetzen dira.
Donostiako Fantasiazko eta Beldurrezko Zinemaren 29. Astean, Mary Shelley idazlea eta hark sorturiko Frankestein omenduko ditu zinemaldiak, hainbat jarduerarekin. Besteak beste, hamabi filmeko zikloa izango da hari buruz. Quim Lasherren 'He's Out There' filmak itxiko du zinema-jaldia, azaroaren 2an. 
1816ko udan, Lord Byronek Percy Bysshe Shelley poeta eta bere emaztea, Mary, gonbidatu zituen Suitzako bere udako etxera. Egun ekaiztsuak izan ziren eta etxean zeudela, Byronek mamu inguruko kontakizun bana sortzea proposatu zien gonbidatuei. Erronka hartatik sortu zen Frankenstein-en istorioa. Mary Shelley idazleak, 18 urte baino ez zituela! Bi urte geroago, 1818an, argitaratu zuen eleberria "Frankenstein edo Prometeo Modernoa" izenburuarekin.



iruzkinik ez :

Argitaratu iruzkina